2026 жылғы 21 қаңтарда «Алматыэлектротранс» ЖШС-де бақылау-тексеру қызметі қызметкерлерінің қызметіндегі сыбайлас жемқорлық тәуекелдері мәселелеріне арналған хаттамалық кеңес өтті.
Іс-шараға кәсіпорынның комплаенс-қызметі мен бақылау-тексеру қызметінің өкілдері қатысты. Кездесу барысында қатысушылар бақылау және тексеру іс-шараларын өткізу кезінде туындайтын ықтимал сыбайлас жемқорлық тәуекелдерін, оның ішінде бақылаушылардың көлік құралдары жүргізушілерімен ауыз жаласуының ықтимал жағдайларын талқылады.
Баяндамамен комплаенс-қызметінің офицері Санжар Жүнісов сөз сөйлеп, ең көп таралған сыбайлас жемқорлық схемалары туралы егжей-тегжейлі айтып берді. Олардың қатарында — заңсыз сыйақы үшін бұзушылықтар анықталғанда шара қолданбау, тексеру нәтижелерін бұрмалау, алдағы тексерулер туралы алдын ала ескерту және бақылауға таңдамалы тұрғыдан қарау.
Заңдылық, ашықтық және қызметтік әдеп қағидаттарын қатаң сақтау қажеттілігіне, сондай-ақ қызметкерлердің қабылданатын шешімдер үшін жеке жауапкершілігіне бөлек назар аударылды.
Кеңес қорытындысы бойынша бақылау-тексеру қызметінің қызметіне ішкі бақылауды күшейту, сыбайлас жемқорлыққа қарсы стандарттардың мүлтіксіз сақталуын қамтамасыз ету және қызметкерлер арасында профилактикалық әрі түсіндіру іс-шараларын тұрақты түрде өткізу туралы шешім қабылданды.